"Ливерпуль" ҳужумчиси Садио Мане "Уотфорд" билан ўйиндан сўнг (5:0) фикрлари билан ўртоқлашди.

Футболчи ушбу ўйинда марказий ҳужумчи сифатида ўйнади ва иккита гол урди.

"Тўғрисини айтсам, бироз ажабландим. Бунгача ҳеч қачон бу чизиқда ўйнамагандим. Бироз ҳаяжонландим.

Ўйинтолдидан мураббий мени чақириб, шундай деди: "Биз бир-икки ўзгаришлар қилмоқчимиз, Садио, сен тўққизинчи рақам ролида ўйнайсан. Мен "Ўҳ" дедим ва жамоадошларимга қарадим. Мен кулиб: "Биз жамоамиз, шундай экан, ишончни оқлашга ҳаракат қиламан" дедим.

Жамоадошларим кулишди, уларга жавобан дедим: "Бугундан бошлаб мени Роналду ёки Фирмино деб атанглар". Жини Вейналдум эса шундай деди: "Сен гол уришга мажбурсан. Агар урсанг сени Роналду деб атаймиз, акс ҳолда - сен ахлатсан!"

Мен иккита гол уришга муваффақ бўлдим, аммо бундай ғурурланиб кетганим йўқ. Мураббий қаерда истаса, ўша ерда ўйнайман", - дейди Мане.