Мюнхеннинг «Бавария» клуби Германия чемпионатининг 24-турида Мёнхенгладбахнинг «Боруссия» клубини йирик ҳисобда таслим этди — 5:1.
«Бавария» таркибида голларга Томас Мюллер, Серж Гнабри, Хави Мартинес ва Роберт Левандовски (дубль) муаллифлик қилишди, майдон эгалари сафида Ларс Штиндль битта жавоб голи урди.
Opta маълумотига кўра, Германиянинг амалдаги чемпионлари Бундеслигадаги голлари сонини 4000тага етказган ва бу Бундеслига рекорди ҳисобланади.
Мюнхенликлар Германия чемпионатидаги ғалабали сериясини давом эттириб (кетма-кет 4 ғалаба), очколари сонини 54тага етказди ва турнир жадвалида Дортмунднинг «Боруссия» клуби билан тенглашиб олди ва фақат қўшимча кўрсаткичлар туфайли иккинчи ўринда жойлашган.
«Бавария» 24 ўйинда 56 гол уриб, 27 гол ўтказиб юборган, дортмундликларда эса тўплар нисбати - 58-27.
