Тошкентнинг “Локомотив” клуби эртага ОЧЛ гуруҳ босқичи 1-тур учрашувида БААнинг “Ал Ваҳда” жамоасига қарши баҳс олиб боради.

Ушбу учрашув олдидан “темирйўлчилар” бош мураббийи Андрей Фёдоров журналистлар саволларига жавоб берди.

“Эртанги рақибимиз кучсиз эмас. Ушбу жамоа билан ўтган йили ҳам тўқнаш келганмиз. Ўшанда уларни йирик 5:0 ҳисобида мағлуб этган эдик.

Эртага ғалаба қозониш учун бор кучимиз билан ҳаракат қиламиз. Айни дамда жамоада ҳеч қандай йўқотишлар йўқ.

Барча футболчилар “Ал Ваҳда”га қарши учрашув учун 100 фоиз тайёр. Биз эртага мухлисларимизни хурсанд қилишга ҳаракат қиламиз”, дейди Фёдоров.

Маълумот ўрнида, “Локомотив” – “Ал Ваҳда” учрашуви эртага, 4 март куни соат 16:00да бошланади.