Toshkentning “Lokomotiv” klubi ertaga OCHL guruh bosqichi 1-tur uchrashuvida BAAning “Al Vahda” jamoasiga qarshi bahs olib boradi.

Ushbu uchrashuv oldidan “temiryo‘lchilar” bosh murabbiyi Andrey Fyodorov jurnalistlar savollariga javob berdi.

“Ertangi raqibimiz kuchsiz emas. Ushbu jamoa bilan o‘tgan yili ham to‘qnash kelganmiz. O‘shanda ularni yirik 5:0 hisobida mag‘lub etgan edik.

Ertaga g‘alaba qozonish uchun bor kuchimiz bilan harakat qilamiz. Ayni damda jamoada hech qanday yo‘qotishlar yo‘q.

Barcha futbolchilar “Al Vahda”ga qarshi uchrashuv uchun 100 foiz tayyor. Biz ertaga muxlislarimizni xursand qilishga harakat qilamiz”, deydi Fyodorov.

Ma’lumot o‘rnida, “Lokomotiv” – “Al Vahda” uchrashuvi ertaga, 4 mart kuni soat 16:00da boshlanadi.