Аввал хабар берганимиздек, Тошкентнинг “Локомотив” жамоаси ОЧЛ гуруҳ босқичи 1-турида БААнинг “Ал Ваҳда” жамоасини қабул қилиб, 2:0 ҳисобида ғалаба қозонди.

Ўйиндан сўнг “Локомотив” жамоаси футболчиси Диёр Туропов ўз фикрларини билдириб ўтди.

“Ал Ваҳда”га қарши яхши ўйин кўратдик. Рақиб жамоа ҳам мағлуб бўлиш учун бу ерга келмаган эди. Улар ҳам муносиб қаршилик кўрсатди.

Биз ўз уйимизда мухлисларимиз кўз ўнгида ўйнадик. Ғалаба қозонмасак бўлмасди. Ғалабага бўлган иштиёқ бизда кўпроқ эди. Ҳужумда ҳам, ҳимояда ҳам яхши ўйин кўрсатдик.

Яқин кунларда Ўзбекистон чемпионатига ҳам старт берилади. 1-турни “Пахтакор” жамоасига қарши ўтказамиз. Ушбу учрашув олдидан яхшигина тайёрланиб олдик.

“Ал Ваҳда” жамоасининг ҳужум чизиғи кўпроқ муаммо туғдирди. Рақибнинг икки нафар легионери бизни бироз қийнади”, дейди Диёр Туропов.