Бугун“Бунёдкор”академиясимажлисларзалидаклубпрезидентиАшировУлуғбекМуродиллоевичфутболчиларвамураббийларбиланучрашди.

Учрашувда “Бунёдкор”нинг янги мавсумга тайёргарлик доирасида ўтказилган йиғинлар, мавсум олдида клуб олдга қўйилаётган вазифалар, режалар ҳақида сўз юритилди.

 “Ўтган мавсумда “Бунёдкор” клуб жиддий синовларни бошидан ўтказди. Жорий таркибни молиявий таъминлаш билан бирга эски йиллардан ёпилмай қолиб кетган қарздорликлар масаласини ҳам ҳал қилишимизга тўғри келди.

Умид қиламанки, барча қийинчиликлар ортда қолди ҳамда энди “Бунёдкор”да бу масалада муаммолар бўлмайди. Биз имконият даражасида клубдан ўз ёрдамимизни аяймаймиз. Сизнинг вазифангиз – футбол  ўйнаш.

Сиз чиройли футбол ўйнаб юқори марраларни забт этинг, молиявий масалаларни биз ҳал қиламиз. Имкон бўлса “Ўзбекнефтга”дан ташқари ҳам ҳомийлар жалб қиламиз. Клуб сиёсати ўзгармайди: ёшларни тарбиялаш, турли ёшдаги терма жамоаларга футболчи етказиб бериш, ёш футболчиларга имконият беришда давом этамиз.

“Бунёдкор” асосий жамоаси, U-18, U-21, аёллар футзал жамоаси, клуб академияси эътиборимиз марказида бўлади. Сизларнинг роҳатланиб футбол ўйнашингиз учун барча шароитлар яратиб берилади. Агар таклифлар, сизларни қийнаётган муаммо ёки саволлар бўлса марҳамат билдиришингиз мумкин”, - деб таъкидлаб ўтди.