“Ювентус” ҳужумчиси Криштиану Роналду “Атлетико”га қарши жавоб учрашуви олдидан фикрларини билдириб ўтди.

“Атлетико” кучли жамоа. Ҳамма уларнинг яхши ҳимояланишини, таваккал қилмаслигини яхши билади лекин, биз бунга тайёрмиз.Ғалаба қозониб кейинги босқичга чиқиш учун қўлимиздан келганча ҳаракат қиламиз. Ишонинг, биринчи ўйинда мағлубиятга учрашимизни ҳеч ким кутмаган эди.

Биз ажойиб мавсумни бошдан ўтказяпмиз. Ҳозир биз  ўз олдимизга иккита мақсад қўйганмиз – Серия А ва чемпионлар лигаси. Менга Италияда ўйнаш ёқади. Бу ер Испания ва Англияга ўхшайди, ўзимнинг жамоамга ёрдам бераётганимдан мамнунман”, - дейди Роналду.