«Атлетико» клуби бош мураббийи Диего Симеоне Европа чемпионлар лигаси 1/8 финал «Ювентус» жамоасига қарши жавоб ўйинидан олдин ўз фикрлари билан ўртоқлашди (биринчи ўйин 2:0).

«Иккита кучли жамоа тўқнаш келади. Майдондаги бўш ҳудуддан максимал даражада фойдалана олишимиз керак, чунки улар энди бизга биринчи ўйиндаги каби имкониятларни яратиб бермайди.

«Ювентус»да ўта тажрибали бўлган футболчиларга эга кучли таркиб бор. Улар нафақат ҳужумда, балки ҳимояда ҳам зўр ўйнашади. Жуда ҳам эҳтиёткор бўлиш керак.

Бугун яхши ўйин намойиш қилишимиз учун биз сокин ва самимий бўлишимиз кифоя», - дейди Симеоне.