Кеча ЕЧЛ 1/8 финал босқичи жавоб учрашувлари бўлиб ўтди. Ушбу босқичда Туриннинг “Ювентус” клуби ўз уйида Мадриднинг “Атлетико” жамоасини қабул қилди ва йирик 3:0 ҳисобида ғалаба қозонди. Бу натижа туринликларни ЕЧЛ мусобақасида кейинги босқичга олиб чиқди.

Қизиқарли кечган учрашувдан сўнг, учрашувда урилган барча голлар муаллифи Криштиану Роналду ўйин ҳақида ўз фикрларини билдириб ўтди.

“Атлетико”га қарши учрашувда биз ғалаба қозонишимиз шарт эди. Биз махсус кеча уюштиришни истаган эдик. “Атлетико”га муносиб жавоб қайтардик.

ЕЧЛ мусобақасида кейинги босқичга чиқдик, биз тўғри йўлдамиз. ЕЧЛда ғалаба қозониш учун мени “Ювентус”га таклиф қилишган.

“Атлетико” оддий рақиб эмас, лекин биз ҳам кучсиз эмасмиз. Биз ҳақли равишда ғалаба қозондик ва кейинги босқич масаласини ҳал қилдик.

Финал ҳақида гапиришга эрта. Барчаси секин-асталик билан бўлади”, дейди Роналду.