“Ювентус” бош мураббийи Массимилиано Аллегри “Женоа”га қарши ўйиндан сўнг фикрларини билдириб ўтди.
“Мен бошқача “Ювентус”ни кўришни истагандим. Биз яхши ўйнолмадик ва кўп хато қилдик, кейин кутилмаган вақтда гол ўтказиб юбордик.
Италия кубоги доирасида “Аталанта”га қарши ўйинда бўлгани каби, биз мағлуб бўлиш учун тўғри вақтни танладик. Ҳали олдинда танаффус ва терма жамоалар ўртасида кечадиган баҳслар бор. “Атлетико”га қарши бўлган ўйин ҳозирги натижага таъсир ўтказди.
Ўйлашимча, бу мағлубият бизни сал бўлсада уйғотади. Биз скудеттони ютдик деб ўйлаган эдик бироқ бундай эмас экан. Биз яна бешта ўйинда ғалаба қозонишимиз керак ва “Наполи” очко йўқотишини кутиб яшашимиз лозим.
Ҳамма ўйинда ҳам ғалаба қозониб бўлмайди, мен бу гапни бошидан бери такрорлайман. Шунинг учун мазкур мағлубиятни драммага айлантиришни ҳожати йўқ. Шу вақт ичида 28 та ўйин ўтказдик ва 24 тасида ғалаба қозондик ва яна учтаси дуранг билан тугади. Шундай экан барчаси жойида”, - дейди Аллегри.