Қозоғистоннинг Алмата шаҳрида бўлиб ўтган “Наврўз Кубоги” якунланди.

Мусобақада икки ёш тоифасида тўртта жамоа билан иштирок этган “Бунёдкор” академияси тарбияланувчилари бугун турнирдаги сўнгги учрашувларини ўтказди.

Алишер Иброҳимов бошчилигидаги 2009 йилги гуруҳнинг биринчи таркиби финалга йўл олган эди. “Актобе”га қарши саф тортган тарбияланувчиларимиз беллашувнинг асосий вақтида 1:1 ҳисобида дуранг ўйнади. Аммо пенальтилар сериясида омад мезбонларга кулиб боқди – 4:3.

Иккинчи таркиб эса, 11-ўрин учун курашда “Ибрас”га қарши майдонга чиқиб, рақибни 10:0 ҳисобида таслим этди.

Александр Хвостунов мураббийлиги 2007 йилги гуруҳимиз бугун 5-ўрин учун баҳсда “Қайрат”ни 2:1 ҳисобида мағлубиятга учратди. Шу ёшнинг иккинчи таркиби эса, 11-ўрин учун келган беллашувда "Тобол"га 1:0 ҳисобида ютқазиб қўйиб, 12-ўрин билан кифояланди.

“НАВРЎЗ КУБОГИ”

2009 йилги жамоалар

ФИНАЛ

«Бунёдкор-1» - «Актобе» - 1:1 (пенальтилар серияси: 3:4)

11-12-ўринлар учун

«Бунёдкор-2» - «Ибрас» - 10:0

2007 йилги жамоалар

5-ўрин учун

«Бунёдкор академия» - «Қайрат» - 2:1

11-12-ўринлар учун

«Бунёдкор-2» - «Тобол» - 0:1