Qozog‘istonning Almata shahrida bo‘lib o‘tgan “Navro‘z Kubogi” yakunlandi.
Musobaqada ikki yosh toifasida to‘rtta jamoa bilan ishtirok etgan “Bunyodkor” akademiyasi tarbiyalanuvchilari bugun turnirdagi so‘nggi uchrashuvlarini o‘tkazdi.
Alisher Ibrohimov boshchiligidagi 2009 yilgi guruhning birinchi tarkibi finalga yo‘l olgan edi. “Aktobe”ga qarshi saf tortgan tarbiyalanuvchilarimiz bellashuvning asosiy vaqtida 1:1 hisobida durang o‘ynadi. Ammo penaltilar seriyasida omad mezbonlarga kulib boqdi – 4:3.
Ikkinchi tarkib esa, 11-o‘rin uchun kurashda “Ibras”ga qarshi maydonga chiqib, raqibni 10:0 hisobida taslim etdi.
Aleksandr Xvostunov murabbiyligi 2007 yilgi guruhimiz bugun 5-o‘rin uchun bahsda “Qayrat”ni 2:1 hisobida mag‘lubiyatga uchratdi. Shu yoshning ikkinchi tarkibi esa, 11-o‘rin uchun kelgan bellashuvda "Tobol"ga 1:0 hisobida yutqazib qo‘yib, 12-o‘rin bilan kifoyalandi.
“NAVRO‘Z KUBOGI”
2009 yilgi jamoalar
FINAL
«Bunyodkor-1» - «Aktobe» - 1:1 (penaltilar seriyasi: 3:4)
11-12-o‘rinlar uchun
«Bunyodkor-2» - «Ibras» - 10:0
2007 yilgi jamoalar
5-o‘rin uchun
«Bunyodkor akademiya» - «Qayrat» - 2:1
11-12-o‘rinlar uchun
«Bunyodkor-2» - «Tobol» - 0:1
