Ўзбекистон терма жамоаси ва Хитойнинг "Шанхай СИПГ" жамоаси ярим ҳимоячиси Одил Аҳмедов "Навбаҳор"даги ўзгаришлардан хурсанд эканлигини яширмади.
- "Навбаҳор" аста-секин профессионаликка қадам қўяётганлигидан хурсандман. "Марказий" ўйингоҳ ва захира майдонларида ишлар кўнгилдагидек олиб борилаяпти ва барчаси "Навбаҳор" муваффақияти учун. Ўйлайманки, Андрей Канчельскис жамоани янги марралар сари етаклаб боради. Бу борада жамоага янги мавсумда омад тилаб қоламан. Албатта, ҳар бир наманганлик футболчининг орзуси "Навбаҳор"да тўп суриш. Шу боис мен ҳам қачондир "Навбаҳор"га ўйнашга улгураман, деб ўйлайман, - дейди Одил Аҳмедов.
Обид Наимов тайёрлади.
