ЎзПФЛ томонидан ўтказиб келинаётган Суперлиганинг 2-тур ўйинлари бошланишига 1 кун қолди.

Бугун Бекободда янги мавсум очилиши тантаналари бошланади. XXVIII миллий чемпионатнинг старти ҳамда халқимизнинг энг севимли байрамларидан “Наврўзи олам” муносабати билан “Металлург” футбол клуби ишқибозлар учун байрам дастурхонини ёзган. 

Тадбир соат 11:30 да “Металлург” марказий стадионини ёнгинасида жойлашган “Зиёда” тўйхонаси – ресторанида бўлиб ўтади. 

Куннинг иккинчи ярмида, соат 16: “Металлург” (собиқ А.Анохин номидаги) стадионида “Металлург” – “Бухоро” жамоалари U 21 ўртасида ўйин бўлади.

Эртага эса воқеалар ривожи “Металлург” марказий стадионига кўчади. Суперлиганинг 2-турдан ўрин эгаллаган “Металлург” – “Бухоро” жамоалари асосий таркиблари учрашуви соат 20:15 га режалаштирилган.