2019 йилги мавсумдан бошлаб клубларга футболчилар билан шартнома имзолаш учун ПФЛ томонидан шартномалар тақдим этилган.
Мана шу шартномаларда футболчиларнинг энг кам ойлик иш ҳақи 577 минг 172 сўм бўлиши белгилаб қўйилган.
Боиси, Вазирлар маҳкамасининг 2019 йил 18 январдаги 47-сонли қарорига биноан ҳақ тўлаш ягона тариф сеткасига ўзгартириш киритилган.
Қуйи лиганинг айрим футбол клублари ўз футболчиларини 200 минг сўмга ҳам ўйната олиши ҳақида айтмоқда. Унутмаслик керак, ФИФА низомларига давлатлар ҳурматда бўлгани каби, футболнинг давлат сиёсати билан боғлиқ томонлари ҳам етарлича. Солиқлар, маошлар, шунингдек, қонунчиликнинг бошқа кўринишларига футбол ҳам тўла-тўкис бўйсунади.
Диёр Имомхўжаев
