“Бунёдкор” – “Пахтакор” учрашувидан сўнг меҳмонлар устози Шота Арвеладзе қуйидагича фикр билдириб ўтди:
"Танаффусдан сўнг мана энди деярли ҳар 3-4 кунда ўйинлар ўтказамиз. Бу бизга яхши спорт формасига кириб олиш имконини тақдим этади. Шунингдек, бугун бизга қарши баҳс юритган “Бунёдкор” жамоасини мақтаб ўтмоқчиман.
Ушбу клуб таркибда кўп сонли ёшлар билан бизга яхшигина қаршилик кўрсата олди. Одатда ушбу икки клубнинг қарама-қаршилиги ҳамиша қизиқарли руҳда ўтиб келган. Бугун ҳам жамоалар томошабоп ўйин намойиш этишди.
Қолаверса, стадионга келган ишқибозлар ҳам ўйинга ўзгача кўрк берди. Айтишим лозим, стадионга кўплаб кела бошлаган ишқибозлар бизнинг жорий йилдаги энг катта ютуғимиздир. Умид қиламанки, ушбу ҳолат мавсум бўйи давом этади", - деди мутахассис.
