Хабарингиз бор, Суперлиганинг 3-туридан ўрин олган "Андижон" - "Локомотив" баҳси Тошкентга кўчирилди.
Ҳар икки жамоанинг асосий таркиблари 4 апрель куни "Локомотив" стадионида ўзаро куч синашишади ва бунда "Локомотив" мезбон сифатида ҳаракат қилади. "Темирйўлчилар" иккинчи даврада бўлиб ўтадиган жавоб ўйинида Андижонга боришади.
Тақвимда ўзгариш рўй бергач, U-21 чемпионатида ҳам ўзгариш юзага келди. Натижада "Локомотив" ва "Андижон" ёшлари иштирокидаги баҳс ҳам кўчирилди.
Эртага, 3 апрель куни Тошкент вилоятининг "Дўстлик" стадионида U-21 чемпионатининг 3-туридан ўрин олган "Локомотив" - "Андижон" учрашуви бўлиб ўтади. Ўйин 15:00да бошланади.
