"Пахтакор"нинг 2009 йилда таваллуд топган тарбияланувчилари Россиянинг Дагомис шаҳрида халқаро мусобақада қатнашмоқда.
Сарвар Отабоев бошчилик қилаётган биринчи жамоа икки учрашувни ғалаба билан якунлади. Дастлаб "Дагомис-2"дан 10:0 ҳисобида устун келган футболчиларимиз бугун "Ирбис" жамоасини 3:0 ҳисобида доғда қолдиришди. Ушбу ёш тоифасининг иккинчи жамоаси эса 1-турда "Газпром"ни 7:1 ҳисобида мағлубиятга учратган бўлса, 2-тур ўйинида Магнитогорск шаҳри жамоасига 0:1 ҳисобида имкониятни бой беришди. Эртага гуруҳ босқичида охирги тур ўйинлари бўлиб ўтади.