“Бунёдкор” дастлабки йиллар роса одам йиғарди, эсингиздами. Жилла қурса “Пахтакор” билан рақобати бор эди.

Сўнгги 3-4 йилда ишлаган раҳбарият эса мухлислар сонини 1000 га олиб чиқолмади. Улар маркетинг учун сарф этиш керак бўлган пулларни ўзига ёзди. 

“Пахтакор” кетма-кет неча марта чемпион бўлди? Орада мухлисларни уйидан олиб чиқишди, қўрқитишди. Ўйинларига эса шубҳа бор эди. Одам қадами аримадими? Ҳозир-чи? Ўтган мавсум клуб чемпион бўла олмади, аммо одамлар келяпти-ку. 

Наманган, Сурхондарё, Бухоро, Андижон, Жиззахда одамлар жамоаси чемпион бўлишига ишонади дейсизми? Йўқ, улар умид қилади, тоза футбол кўрмоқчи бўлади. Бироқ айримлари бугун билишяптики, ҳаромдан қўрқмаганлар ҳам бор ва улар доим бўлган. Шундайларни фош қилиш бошланмадими? 

ЎзПФЛ ўтган мавсум Рамазон ойида ўйинлар вақтини ифторликка мослади. 

ЎзПФЛ шу йилдан бошлаб ўйинлар вақтини аср ва шом вақтларига мослаяпти. 

ЎзПФЛ прожекторлар талабини айнан мухлислар қуёшда қолмаслиги учун талаб қилади. 

ЎзПФЛ сиз айтган ўша секторларда мухлислар учун шароитни клублардан талаб қилади. 

ЎзПФЛ мухлислар учун егулик ва ичимлик бўлишини талаб қилади, олдинда янгиликлар бор. 

Шундан кейин ҳам мухлислар билан ишламаётган томонга қатъий туриш айбми? Нима учун қаердаги легионерлар учун миллиард топилади-ю клубларда, ўша клуб катталари мухлислар қуёшда қолмаслиги учун тахминан шу пулга трибунасига соябон қурмайди? Бу ҳам маркетинг, чипталардан 1 йилдаёқ чиқариб олар балки пулини?