"Барселона" ҳужумчиси Лионель Месси Европанинг энг яхши тўпурарига бериладиган "Олтин бутса" соврини учун курашда етакчиликни мустаҳкамлади.

Аргентиналик футболчининг "Атлетико"га урган голи унинг Испания чемпионатининг ушбу мавсумидаги 33-голи бўлди. Унинг энг яқин таъқибчиси Килиан Мбаппе ("ПСЖ") якшанба куни "Страсбург" билан ўйинда гол ура олмади.

"Олтин бутса"га даъвогарлар рўйхати шундай кўринишда:

1. Лионель Месси («Барселона»): 33 гол (x2,0) / 66 очко
2. Килиан Мбаппе («ПСЖ»): 27 гол (x2,0) / 54 очко
3-5. Фабио Квальярелла («Сампдория»): 21 гол (x2,0) / 42 очко
3-5. Кшиштоф Пёнтек («Милан»): 21 гол (x2,0) / 42 очко
3-5. Роберт Левандовски («Бавария»): 21 гол (x2,0) / 42 очко
6-7. Дуван Сапата («Аталанта»): 20 гол (x2,0) / 40 очко
6-7. Луис Суарес («Барселона»): 20 гол (x2,0) / 40 очко
8. Мбайе Дьян («Галатасарай»): 26 гол (x1,5) / 39 очко
9-10. Криштиану Роналду («Ювентус»): 19 гол (x2,0) / 38 очко
9-10. Серхио Агуэро («Манчестер Сити»): 19 гол (x2,0) / 38 очко

Рейтинг очколари қуйидаги формула бўйича ҳисобланади: урилган голлар чемпионатнинг куч коэффициентига кўпайтирилади. Кучли бешлик чемпионатларининг коэффициенти энг юқорисидир - 2,0.