"Barselona" hujumchisi Lionel Messi Yevropaning eng yaxshi to‘purariga beriladigan "Oltin butsa" sovrini uchun kurashda yetakchilikni mustahkamladi.

Argentinalik futbolchining "Atletiko"ga urgan goli uning Ispaniya chempionatining ushbu mavsumidagi 33-goli bo‘ldi. Uning eng yaqin ta’qibchisi Kilian Mbappe ("PSJ") yakshanba kuni "Strasburg" bilan o‘yinda gol ura olmadi.

"Oltin butsa"ga da’vogarlar ro‘yxati shunday ko‘rinishda:

1. Lionel Messi («Barselona»): 33 gol (x2,0) / 66 ochko
2. Kilian Mbappe («PSJ»): 27 gol (x2,0) / 54 ochko
3-5. Fabio Kvalyarella («Sampdoriya»): 21 gol (x2,0) / 42 ochko
3-5. Kshishtof Pyontek («Milan»): 21 gol (x2,0) / 42 ochko
3-5. Robert Levandovski («Bavariya»): 21 gol (x2,0) / 42 ochko
6-7. Duvan Sapata («Atalanta»): 20 gol (x2,0) / 40 ochko
6-7. Luis Suares («Barselona»): 20 gol (x2,0) / 40 ochko
8. Mbaye Dyan («Galatasaray»): 26 gol (x1,5) / 39 ochko
9-10. Krishtianu Ronaldu («Yuventus»): 19 gol (x2,0) / 38 ochko
9-10. Serxio Aguero («Manchester Siti»): 19 gol (x2,0) / 38 ochko

Reyting ochkolari quyidagi formula bo‘yicha hisoblanadi: urilgan gollar chempionatning kuch koeffisiyentiga ko‘paytiriladi. Kuchli beshlik chempionatlarining koeffisiyenti eng yuqorisidir - 2,0.