Ўзбекистон U-19 ёшлар терма жамоаси бош мураббийи Отабек Ғуломхўжаев 8-10 апрель кунлари Наманганда бўлиб, терма жамоага номзод футболчиларни саралаб олди.

10 апрель куни “Навбаҳор” ПФКга қарашли “Навбаҳор - Умид” футбол мактабининг сунъий майдонида Наманган вилоят академияси тарбияланувчилари иккига бўлиниб, ўйин ўтказишди ва Отабек Ғуломхўжаев мазкур баҳсда Ўзбекистон U-19 термасига номзодларнинг ўйинларини кўздан кечирди.

Шу куни тушдан сўнг, Тўрақўрғондаги “Ёшлик” стадионида Наманган вилоят академияси ҳамда Александр Лян бошчилигидаги “Навбаҳор - U-18” жамоалари ўртасида ўртоқлик учрашуви бўлиб ўтди.

Ушбу баҳсни ҳам Ўзбекистон U-19 ёшлар терма жамоаси бош мураббийи Отабек Ғуломхўжаев диққат билан кузатиб, терма жамоага номзод футболчиларни саралаб олди.

Ушбу баҳсда “Навбаҳор – U-18” жамоаси 2:1 ҳисобида ғалаба қозонди. Ғолиб жамоанинг голларига Абдурасул Қаюмбаев ва Азизбек Зокиров муаллифлик қилишди.

Шу тариқа Ўзбекистон U-19 ёшлар терма жамоаси бош мураббийи Отабек Ғуломхўжаевнинг Наманганга уюштирган ташрифи якунланди.