O‘zbekiston U-19 yoshlar terma jamoasi bosh murabbiyi Otabek G‘ulomxo‘jayev 8-10 aprel kunlari Namanganda bo‘lib, terma jamoaga nomzod futbolchilarni saralab oldi.
10 aprel kuni “Navbahor” PFKga qarashli “Navbahor - Umid” futbol maktabining sun’iy maydonida Namangan viloyat akademiyasi tarbiyalanuvchilari ikkiga bo‘linib, o‘yin o‘tkazishdi va Otabek G‘ulomxo‘jayev mazkur bahsda O‘zbekiston U-19 termasiga nomzodlarning o‘yinlarini ko‘zdan kechirdi.
Shu kuni tushdan so‘ng, To‘raqo‘rg‘ondagi “Yoshlik” stadionida Namangan viloyat akademiyasi hamda Aleksandr Lyan boshchiligidagi “Navbahor - U-18” jamoalari o‘rtasida o‘rtoqlik uchrashuvi bo‘lib o‘tdi.
Ushbu bahsni ham O‘zbekiston U-19 yoshlar terma jamoasi bosh murabbiyi Otabek G‘ulomxo‘jayev diqqat bilan kuzatib, terma jamoaga nomzod futbolchilarni saralab oldi.
Ushbu bahsda “Navbahor – U-18” jamoasi 2:1 hisobida g‘alaba qozondi. G‘olib jamoaning gollariga Abdurasul Qayumbayev va Azizbek Zokirov mualliflik qilishdi.
Shu tariqa O‘zbekiston U-19 yoshlar terma jamoasi bosh murabbiyi Otabek G‘ulomxo‘jayevning Namanganga uyushtirgan tashrifi yakunlandi.
