«Жизнь футбол» нашри «Реал Мадрид» клуби фахрийларининг икки мега юлдуз тўғрисида билдирган фикларини ўз расмий сайти ва «You Тube» каналида эълон қилди. Ушбу мақолани сизларга илиндик
Рауль
Бу футболчиларни гол машинасига ўхшатаман. Ҳар мавсумда 50 тадан гол ура оладиган бошқа бир футболчини кўрсата оласизми? Албатта, йўқ. Роналду ўз меҳнати ва шижоати эвазига бу даражага етишди. Унинг ўйинларини томоша қилиш завқ бағишлайди. Месси ҳақида ҳам ҳудди шу сўзларни бемалол айта оламан. Бу футболчиларни солиштириш эса ноўрин. Бу «Мерседес»нинг бир хил нархдаги икки маркасини солиштиргандек гап. Уларни тенг кучли деб ҳисоблайман.
Дэвид Бекхэм
Лео Месси жуда юқори темпда футбол ўйнайди. Унинг тезлиги ва майдонни кўра билиши мени бир неча бор қойил қолдирган. Роналду ҳам ажойиб ўйинчи. Улар замонавий футболимиздаги барча футболчилардан анчагина кучлироқ. Шундай бўлсада, мен Леони бироз кучлироқ деб ҳисоблайман.
Роберто Карлос
Ҳозирги кунимизда «Олтин тўп» совринининг аҳамияти жуда катта. Чунки у ерда футболни тушунадиган инсонлар овоз беришади. Шундай экан, футболчиларнинг шахсий ютуқлари ўзлари учун жавоб бера олади деб ҳисоблайман. Роналду ўз устида қаттиқ ишлайди ва меҳнатдан қочмайдиган йигит. Унинг машғулотларда қандай ишлаганини кўрганимда унга қойил қоламан. Месси ва Неймар техник томондан у билан беллаша олишлари мумкин, лекин учрашувга маъсулият билан ёндашув борасида ҳеч ким Кришга тенг кела олмайди.
Руд Ван Нистелрой
Уларнинг қай бири кучли? Мен ҳали танлаганимча йўқ. Иккисида ҳам 5 тадан «Олтин тўп» мавжуд ва улар юқори савияда ўйнашда давом этишмоқда. Шундай экан, яхшиси уларнинг ўйинларини томоша қилиб завқланиш керак. Узоғи билан 3 ёки 4 йилдан сўнг бу давр якунланади. Роналду ва Мессидан сўнг футбол анчагача зерикарли кўриниш олса, ажаб эмас.
Луис Фиго
Роналду ва Мессини солиштириш ҳар доим қийин бўлиб келган. Авваллари, бу саволга Месси деб жавоб берар эдим. Ҳозирги кунларимизда Роналду кучлироқ кўринмоқда. Ўйлашимча, ҳозирда Роналду қолганларга нисбатан кучлироқ.
Кака
Аввалари, «Олтин тўп» учун совринда ротация бўлар, уни кетма-кет ҳеч ким қўлга киритмас эди. Уларнинг эраси бошланишидан олдин мен «Олтин тўп»ни қўлга киритган эдим. Мендан сўнг 10 йил бу совринни бўлиб олган футболчиларга қойил қолмасдан иложинг йўқ. Мен уларни иккисини ҳам феномен деб атайман. Агар танлаш керак бўлса, менга Роналдунинг ўйинлари кўпроқ ёқади.
Фабио Каннаварро
Мен Мессига қарши ўйнаганман. Ундан тўпни олиб қўйишнинг деярли иложи йўқ. Роналду ҳам фантастик ўйинчи. Агар иккисидан бирини танлаш керак бўлса, мен ўз жамоамда Мессини кўришни истаган бўлар эдим.
