12-15 апрель кунлари Тошкент шаҳрида дзюдо бўйича кадетлар ва ёшлар ўртасида Осиё очиқ кубоги бўлиб ўтади. Турнирда 6 мамлакатдан 250 га яқин иштирокчи ўз омадини синаб кўради.
Мусобақа регламентига кўра, 12-13 апрель кунлари кадетлар тоифасидаги беллашувлар ўтказилса, 14-15 апрель саналарида ёшлар ўз маҳоратини намойиш этишади. Таъкидлаш жоиз, мазкур мусобақа ҳар йили Учқун Муродов хотирасига анъанавий тарзда ўтказилиб, унда ёш иқтидорли дзюдочиларимиз саралаб олинади.
Баҳслар “Универсал” спорт мажмуасида ўтказилади. Мусобақада юртимиз дзюдочиларидан ташқари Россия, БАА, Қозоғистон, Тожикистон ва Қирғизистон терма жамоаси аъзолари ҳам медаллар йўлида баҳс олиб боришади. Энг кўп иштирокчилар Ўзбекистон (111) ва Қозоғистон (82) жамоаларида қайд этилган.
Вазн тоифалари:
Ўсмирлар: -50 кг (16 иштирокчи), -55 кг (26), -60 кг (27), -66 кг (26), -73 кг (18), -81 кг (16), -90 кг (16), +90 кг (16)
Қизлар: -40 кг (6 иштирокчи), -44 кг (12), -48 кг (9), -52 кг (9), -57 кг (12), -63 кг (14), -70 кг (12), +70 кг (10).
