"Ювентус" ҳужумчи Жоау Фелишни сотиб олиш борасида "Бенфика" билан келиша олмади, деб ёзади "O Jogo".
Манбанинг ёзишича, итальян клуби футболчи учун 75 млн евро таклиф қилган, аммо рад жавобини олган. "Бенфика" Фелишни 120 млн евродан камига сотмоқчи эмас. Шартномада ҳужумчининг товон пули айнан шунча белгиланган. Яқин орада "Бенфика" ёш ҳужумчи билан шартномани узайтириб, унинг товон пулини 200 млн евро қилиб белгилаш ниятида.
19 ёшли Фелиш "Бенфика" тарбияланувчиси ҳисобланади. У жорий мавсумда 36 та ўйинда майдонга тушиб, 15 та гол урди ва 7 та голли узатмага муаллифлик қилди.
