Хабарингиз бор,эртага Суперлиганинг 5-турида“Андижон” ўзида Қаршининг “Насаф” жамоасини қабул қилади.

Бу “Андижон”нинг жорий мавсум “Соғлом Авлод”даги илк учрашуви бўлади. Учрашув олдидан “бургутлар” ярим ҳимоячиси Асрор Ғофуров фикрлари билан қизиқдик.

- Ассалому алайкум, Асрор ака “Насаф”га қарши тайёргарликлар қай даражада ўтмоқда, футболчиларнинг кайфияти қандай?

- Тайёргарликлар авжида. Насиб қилса, ўз майдонимизда ғалаба қозониб мухлисларимизни хурсанд қиламиз. Эртанги ўйинда ғалаба қозонишимиз шарт. Бу ўйинни бутун Андижон кутяпти.

- Тўртта ўйиндан буён "Андижон" ғалаба нималигини билмай келмоқда. Мавсум аввалида жамоанинг мақсадлари жиддийлиги ҳақида бонг урилганди.

- Барчаси яхши фақат оҳирги тўртта ўйиннинг барчасини сафарда ўтказдик. Меҳмонда ўйнаш ҳар доим қийин. Энди ўз майдонимизда ўйнашни бошлаймиз ва албатта ғалаба қозонишни ҳам.

- Сўнгги турда сафарда "Бунёдкор"нинг анча ёш таркибига мағлуб бўлдинглар. "Бунёдкор"ни мағлуб этишда сизларга нима етишмади?

- Бизга бу ўйинда омад етишмади. Омад келмаса, қийин экан...

- Агар жамоа ғалаба қозона олмаса, албатта барча айб жамоа мураббийига юклатилади. Элдор Сакаевнинг эҳтимолий истеъфоси ҳақида фикрингиз.

- Бу ҳақида ҳеч нарса дея олмайман. Мураббийни оҳиригача қўллаб-қувватлаймиз.