«Ювентус» ҳужумчиси Криштиану Роналдунинг онаси Мария Долореш душ Сантуш Авейру Европа чемпионлар лигасининг чорак финал баҳсидан кейин ўғли билан қандай мазмунда суҳбатлашганини айтди.

Эслатиб ўтамиз, туринликлар «Аякс»га имкониятни бой бериб (1:2, биринчи ўйин – 1:1) мусобақани тарк этишди.

«У жуда хафа эди. У финалга чиқишни истаганди. Криштиану келаси сафар бу ишни амалга оширишга ҳаракат қилиб кўради.

У менга нима деди? «Она, мен мўъжиза ярата олмайман. Чемпионатда ҳаммаси яхши кетмоқда. Чемпионлар лигасида эса омад етишмаяпти, аммо биз ҳеч нарса қила олмаймиз. Ҳаёт давом этади», – деди португалиялик футболчининг онаси.

Роналду Чемпионлар лигасининг ушбу мавсумда 9та ўйинда майдонга тушиб, 6та гол урди ва 2та голга узатма берди.