Бангкок шаҳрида ўтказилаётган бокс бўйича Осиё чемпионатида терма жамоамиз вакилларининг муваффақиятли иштироки давом этмоқда. Бироз аввал аёллар ўртасида 60-69 килограмм вазн тоифасидаги дастлабки саралаш беллашувлари якунланди.
Ушбу вазн тоифасида юртимиз шарафини ҳимоя қилаётган вакиламиз Шаҳноза Юнусова ўзининг илк жангини тожикистонлик Нилуфар Бобоёровага қарши ўтказди. Муросасиз кечган беллашув якунида ҳакамлар ҳамюртимизнинг ғалабасини эътироф этишди.