"Вулверхэмптон" клуби ушбу мавсумда топ-клублар "кушанда"сига айланди. Жамоа Англия чемпионатининг 31-тури доирасида "Арсенал"га қарши қолдирилган учрашувда зафар қучди.

"Бўрилар" кучли рақибга қарши ўйиннинг биринчи бўлимини жуда кучли ўтказди. Айниқса, бўлимнинг иккинчи ярмида мезбонлар "Арсенал" дарвозасини бир эмас, икки эмас, нақ 3 марта ишғол қилди.

Эмери шогирдлари иккинчи бўлимда вазиятни ўнглашга ҳаракат қилди. Лондонликлар баҳс тугашига 10 дақиқа қолганида битта жавоб тўпини киритишди.

Шу тариқа, "Арсенал" кучли тўртликка кириш йўлида ўз имкониятини пасайтириб юборди.

АПЛ, 31-турнинг қолдирилган ўйини
Вулверхэмптон – Арсенал 3:1 (3:0, 0:1)
Голлар: 1:0 – 28 Рубен Невеш, 2:0 – 37 Доэрти, 3:0 – 45 Диогу Жота, 3:1 – 80 Папастатопулос.
Вулверхэмптон – Руй Патрисиу, Доэрти, Боли, Беннетт, Кастро, Рубен Невеш, Моутинью (Гиббс-Уайт, 90), Диогу Жота (Кавалейру, 78), Дендонкер, Коуди, Хименес (Траоре, 82).
Арсенал – Лено, Папастатопулос, Косьельни, Монреаль, Мэйтленд-Найлз, Торрейра (Гендузи, 59), Ўзил, Жака, Мхитарян (Колашинац, 58), Ивоби (Нкетиа, 71), Ляказетт.
Огоҳлантиришлар: Доэрти (17), Монреаль (27), Жака (31), Торрейра (45), Беннетт (84).