Қатар пойтахти Доҳа шаҳрида ўтказилаётган енгил атлетика бўйича Осиё чемпонати якунланди. 

24 апрель куни мусобақанинг сўнги кунида болқон улоқтириш баҳсларида иштирок этган юртдошимиз Сухроб Хўжаев финалда 72,85 натижани қайд этиб, бронза медални қўлга киритди. 

Биринчи ва иккинчи ўринларни тожикистонлик Дилшод Назаров (76,14 м) ва қатарлик Ашраф Элсайфий (73,27) эгаллади. 

Қайд этиш керакки, ушбу учлик 2018 йил ёзида Индонезияда ўтказилган Осиё ўйинларида ҳам ўзаро беллашган, ўшанда биринчи Ашраф Элсайфий (76,88), Дилшод Назаров иккинчи (74,16) ва Сухроб Хўжаев учинчи ўринни (74,6) қўлга киритган эди.

Эслатиб ўтамиз, ушбу мусобақада спортчиларимиздан Руслан Қурбонов (уч хатлаб сакраш), Надия Дусанова (баландликка сакраш), Екатерина Воронина (етти кураш) олтин медални ва Светлана Радзивил (баландликка сакраш) бронза медални қўлга киритган эди.

Шундай қилиб, енгил атлетика бўйича 23-Осиё чемпионатини Ўзбекистон жамоаси 3та олтин ва 2 та бронза медал билан якунлади.