"Манчестер Сити" ярим ҳимоячиси Раҳим Стерлинг Англия журналистлар ассоциацияси версиясига кўра мавсумнинг энг яхши футболчиси деб топилди.
Спорт журналистлари ўртасида ўтказилган сўровномада "шаҳарликлар" футболчиси 62% овоз билан ғалаба қозонди. 24 ёшли футболчи мазкур соврин учун курашда "Ливерпуль" ҳимоячиси Виржил Ван Дейка ва "Сити" ҳужумчиси Серхио Агуэрони ортда қолдирди.
Раҳим Стерлинг ушбу мавсумда "Манчестер Сити" сафида барча мусобақалар доирасида 48та ўйинда майдонга тушиб, 23та гол урди ва 17та голга узатма берди.
Аввалроқ Стерлинг Англия профессионал футбол ассоциацияси томонидан мавсумнинг энг яхши ёш футболчиси деб топилганди.