27 апрель куни Тошкент шаҳридаги “Обод” стадионида футбол бўйича пойтахтимизда фаолият кўрсатаётган хусусий мактаблар ўқувчилари ўртасида мусобақа бўлиб ўтди.

“Junior” халқаро футбол мактаби томонидан ташкил этилган “Junior хусусий мактаблар лигаси”турнирида пойтахтимиздаги 10 та хусусий мактаб ўқувчиларидан таркиб топган 50 та жамоа майдонга тушди.

Ўйинлар ёш тоифалари (1-7 синфлар)га бўлинган ҳолда ўтказилди.

Ўйинларни томоша қилиш учун келган ўқувчиларнинг оила аъзолари ва яқинлари ёш иқтидор эгаларини қўллаб-қувватлаб туришгани болаларга қўшимча куч-қувват бағишлади.

Қизғин баҳсларга бой кечган турнир якунида қуйидаги жамоалар ўз гуруҳларида биринчи ўринни қўлга киритишди:

1-синфлар ўртасида - “Sehriyo”

2-синфлар ўртасида - “Genesis Education”

3-синфлар ўртасида - “The British school of Tashkent”

4-синфлар ўртасида - “The British school of Tashkent”

5-синфлар ўртасида - “Erudite Education school”

6-синфлар ўртасида - “Liderсад-школа”

7-синфлар ўртасида - “Liderсад-школа”

Ғолибликни қўлга киритган жамоалар кубок, медал ва фахрий ёрлиқлар билан тақдирланишди.Мусобақанинг очилиш ва ёпилиш маросимида намойиш этилган ёрқин мусиқий-шоу дастури ҳам барчада илиқ тассурот қолдириб, йиғилганларга кўтаринки кайфият бахш этди.