"Барселона" ҳужумчиси Луис Суарес ЕЧЛ яримфиналида "Ливерпуль" билан ўйинлар олдидан фикрлари билан ўртоқлашди.
"Чемпионлар лигасидаги охирги яримфиналимизга анча йил бўлди ва биз олдимизга қўйилган вазифаларни ҳал қилмоқчимиз. Чемпионлар лигасида эҳтиёткорликни бир лаҳза ҳам қочириб бўлмайди, акс ҳолда бу қимматга тушади. "Камп Ноу"даги муҳит тушунарли, мухлислар бу совринни истамоқдалар.
"Ливерпуль" ҳимоядан тўп оширишлар орқали чиқишни яхши билади. Уларда марказда яхши ўйинчилар бор, улар тўпни ҳужумчиларга етказиб беришлари мумкин. Ўйлайманки, уларнинг ўйин схемаси бизникига ўхшаш. Услубда катта фарқ бўлмайди. Биз улар билан - иккита ҳужумкор жамоалармиз. Албатта, "Энфилд"га боришим ёқимли. Бу ерни жуда севаман. Хендерсон билан гаплашдим ва бу ўйин ўзгача бўлади деган фикрга келдик", - дейди Суарес.
