“Ницца” клубининг алжирлик футболчиси Юсуф Аттал жамоасининг “Генгам” билан ўйини (3:0) да йирик ғалабасига ажойиб голи билан ҳиссасини қўшди. Бу ҳақда Worldnews.uz ахборот агентлиги хабар бермоқда.
Гап шундаки, 22 ёшли футболчи тўпни майдон марказида қабул қилиб олиб, олдинга қараб борди ва натижада антиқа гол урди. “Генгам” ҳимоячилари футболчини тўхтата олмади. Рақиб дарвозабони билан яккама-якка чиқиб борган алжирлик бир нави қилиб тўпни дарвозага йўналтирди.
Шундай қилиб, Аттал ўзининг “Ницца” клубидаги голлари сонини 3 тага етказди. Маълумот ўрнида, “Ницца” Франция чемпионатининг 34-туридан сўнг турнир жадвалида 7-ўринни эгаллаб турибди.
