Бугун жамоамиз аъзолари жорий мавсумдаги илк машғулотни ўзлари учун қадрдон бўлган “Марказий” ўйингоҳ майдонида ўтказишди. Машғулот якунига етгач, “лочинлар”нинг россиялик ҳужумчиси Александр Касьяннинг чими янгиланган майдон ва бўлажак ўйин борасидаги фикрлари билан қизиқдик. Унинг фикрлари қуйидагича бўлди:
Майдон жуда ажойиб ҳолатда ва бундан қониқиш ҳосил қилдик. Шундай сифатли майдонда машғулот ўтказиш ва ўйин ўйнаш ёқимли, албатта.
Бўлажак баҳсга тайёргарлик одатдагидек давом этмоқда. Аммо бу жорий мавсумдаги ўз майдонимиздаги илк учрашув бўлганлиги боис, олдимизда жуда катта масъулият турибди.Умид қиламанки, 4 май кунги ўйинда стадион мухлислар билан гавжум бўлади.
