Bugun jamoamiz a’zolari joriy mavsumdagi ilk mashg‘ulotni o‘zlari uchun qadrdon bo‘lgan “Markaziy” o‘yingoh maydonida o‘tkazishdi. Mashg‘ulot yakuniga yetgach, “lochinlar”ning rossiyalik hujumchisi Aleksandr Kasyanning chimi yangilangan maydon va bo‘lajak o‘yin borasidagi fikrlari bilan qiziqdik. Uning fikrlari quyidagicha bo‘ldi:
Maydon juda ajoyib holatda va bundan qoniqish hosil qildik. Shunday sifatli maydonda mashg‘ulot o‘tkazish va o‘yin o‘ynash yoqimli, albatta.
Bo‘lajak bahsga tayyorgarlik odatdagidek davom etmoqda. Ammo bu joriy mavsumdagi o‘z maydonimizdagi ilk uchrashuv bo‘lganligi bois, oldimizda juda katta mas’uliyat turibdi.Umid qilamanki, 4 may kungi o‘yinda stadion muxlislar bilan gavjum bo‘ladi.
