“Барселона” ва Испания терма жамоасининг собиқ футболчиси Хави жорий мавсум тугаганидан сўнг фаолиятини тугатиши ҳақида маълум қилди. 

“39 ёшга тўлгунимга қадар футбол ўйнаш мен учун шарафли иш эди ва энди мавсумни кўтаринки руҳда тугатмоқчиман. 

Бу мавсум футболчи сифатида мен учун энг сўнггиси, лекин мураббийлик фаолиятида нима бўлишини сабрсизлик билан кутяпман. 

Менинг мураббийлик фалсафам ўзига яраша услубга эга. Биз бундай усулларни Йохан Кройфф ва Ла Массия қўл остида бир неча йил давомида мисқоллаб йиғиб келганмиз. Менга кўпроқ майдонда шиддат билан ва ҳужумга кўпроқ ўтадиган жамоа шакллантириш ёқади”, - дейди Хави.

Маълумот ўрнида, Хави фаолиятининг кўп қисмини “Барселона” ўтказган (767 та ўйин). 

2015 йилдан бошлаб у Қатарнинг “Ал Садд” жамоасида ўйнаб келмоқда. 2000 йилдан бошлаб 2014 йилга қадар у Испания терма жамоаси сафини ҳимоя қилган ва 133 та ўйин ўтказган.

“Барселона” билан Хави саккиз карра Испания чемпиони, уч маротаба мамлакат кубогини ва олти марта Суперкубокни қўлга киритган. Шунингдек Хави тўрт карра чемпионлар лигаси соҳиби. Яна у икки марта УЕФА Суперкубогини ва клублар ўртасидаги жаҳон чемпионатини қўлга киритган. 

Испания сафида Хави 2010 йил жаҳон чемпиони бўлган, 2008 ва 2012 йиллар эса Европа чемпионатида зафар қучган.