"Барселона" президенти Жозеп Бартомеу жамоа ҳужумчиси Лионель Месси ҳақида фикр билдирди.
"600 та гол - бу нафақат киритилган голлар. Месси бажараётган ишлар бизни бошқалардан ажратиб туради.
Месси - даҳо ва у буни кўп мавсумлардан буён исботлаб келмоқда. Биз ўта ўзгача даврда яшаяпмиз, аммо бу бизнинг мухлислар учун оддий ҳолат. Лео 13 ёшида клубга келган. У ҳаммани билади ва уни ҳамма билади. У шу ерда ўсди. У "Барселона"нинг бир қисми.
Унга ката умид боғланади, аммо клуб ичида ҳаммаси бошқача, унинг ўзи ҳам буни хотиржам қабул қилади. "Ливерпуль" билан ўйинда кўпроқ гол уриши мумкин эди, бироқ у шерикларига оширди.
Биз унинг ўйинларидан завқ оламиз ва ўзимизга савол берамиз: у ўйинашдан тўхтаса нима бўлади? Аммо ким билади у 45 ёшгача ўйнаши мумкиндир? У ўзи хоҳлаган вақтгача ўйнаши мумкин.
Барселона бунга тайёрланяпти (Мессининг фаолияти тугашига). Дембеле, Лангле, Артур - қачонки Месси фаолиятини тугатса, улар атрофида амоа қурса бўладиган футболчилар. Бу вақт яқин деб ўйламайман. Футболчиларга: "Ҳар бир дақиқада ўрганинг" деймиз.
Лео шу ерда қолади. У "Барселона" одами. Месси футбол оламига тегишли, аммо у фақат Барселонада яшаган. У бир клуб одами бўлиб қолади. У ўйинни бас қилиши мумкин, аммо биз билан қолади", - дейди Бартомеу.
