"Barselona" prezidenti Jozep Bartomeu jamoa hujumchisi Lionel Messi haqida fikr bildirdi.

"600 ta gol - bu nafaqat kiritilgan gollar. Messi bajarayotgan ishlar bizni boshqalardan ajratib turadi.

Messi - daho va u buni ko‘p mavsumlardan buyon isbotlab kelmoqda. Biz o‘ta o‘zgacha davrda yashayapmiz, ammo bu bizning muxlislar uchun oddiy holat. Leo 13 yoshida klubga kelgan. U hammani biladi va uni hamma biladi. U shu yerda o‘sdi. U "Barselona"ning bir qismi.

Unga kata umid bog‘lanadi, ammo klub ichida hammasi boshqacha, uning o‘zi ham buni xotirjam qabul qiladi. "Liverpul" bilan o‘yinda ko‘proq gol urishi mumkin edi, biroq u sheriklariga oshirdi.

Biz uning o‘yinlaridan zavq olamiz va o‘zimizga savol beramiz: u o‘yinashdan to‘xtasa nima bo‘ladi? Ammo kim biladi u 45 yoshgacha o‘ynashi mumkindir? U o‘zi xohlagan vaqtgacha o‘ynashi mumkin.

Barselona bunga tayyorlanyapti (Messining faoliyati tugashiga). Dembele, Langle, Artur - qachonki Messi faoliyatini tugatsa, ular atrofida amoa qursa bo‘ladigan futbolchilar. Bu vaqt yaqin deb o‘ylamayman. Futbolchilarga: "Har bir daqiqada o‘rganing" deymiz.

Leo shu yerda qoladi. U "Barselona" odami. Messi futbol olamiga tegishli, ammo u faqat Barselonada yashagan. U bir klub odami bo‘lib qoladi. U o‘yinni bas qilishi mumkin, ammo biz bilan qoladi", - deydi Bartomeu.