“Қизилқум” – “Бунёдкор” учрашувидан сўнг мезбонлар устози Ҳамиджон Актамов қуйидагича фикр билдириб ўтди. 

“Кетма-кет мағлубиятлардан сўнг жамоамизда бироз тушкунлик кайфияти мавжуд эди. Бугун яхши ўйин кўрсатишга ҳаракат қилдик ва якунда кўзланган мақсадга эриша олдик. 

Мухлисларга бизни қизғин қўллаб-қувватлашгани учун ташаккур. Бугун хатто Бухородан ҳам кўплаб ишқибозлар келиб, бизни қўллаб-қувватлаб туришди. 

“Бунёдкор” жамоаси бугун яхши қаршилик кўрсатди. Ушбу ғалаба билан тўхтаб қолмаймиз, келаси баҳсларда яна зафар қучишга уринамиз”, - деди мутахассис.