Англия чемпионатининг 37-тури доирасидаги доирасида «Манчестер Сити» ўз майдонида «Лестер»ни қабул қилиб, қийин ғалабани қўлга киритди. Брендан Роджерс "шаҳарликлар"дан очко олиб, собиқ жамоаси — "Ливерпуль"нинг чемпионлиги учун ҳисса қўшиш учун ҳаракат қилди. Улар 70 дақиқа давомида мезбонлар босимига дош беришди.

"Тулкилар" фақат ҳимояланиш билан чекланмасдан, вақти-вақти билан майдон эгалари дарвозаси олдида хавфли вазиятларни юзага келтиришди. Чемпионлик учун курашаётган "Манчестер Сити" сўнгги паллада хавфни бартараф этишга муваффақ бўлди.

Ўйиннинг 70-дақиқасида эса Венсан Компани кутилмаганда 28-метрлардан жуда кучли зарба йўллаб, тўпни давроза "тўққизлиги"га жойлаб қўйди.

"Лестер" ўтказиб юборилган голдан кейин олдинга ташланди, аммо маҳоратли мезбонлар рақибга ташаббусни бериб қўйишмади. Шу тариқа, "Сити" ўта муҳим ғалабани қўлга киритиб, жадвалда яна 1-ўринга кўтарилиб олди.

Гвардиола жамоаси сўнгги турда "Брайтон" клуби меҳмони бўлса, "Ливерпуль" ўз майдонида "Вулверхэмптон"ни қабул қилади. Баҳслар 12 май куни бўлиб ўтади.

АПЛ, 37-тур
Манчестер Сити – Лестер 1:0 (0:0, 1:0)
Гол: 1:0 – 70 Компани.
Манчестер Сити – Эдерсон, Уокер, Компани, Лапорт, Зинченко, Фоден (Сане, 56), Гюндоган, Сильва (Стоунз, 90), Бернарду Силва, Агуэро (Габриэл Жезус, 87), Стерлинг.
Лестер – Шмейхель, Рикарду Перейра, Эванс, Магуайр, Чилуэлл, Олбрайтон (Грэй, 85), Тилеманс (Барнс, 75), Ндиди, Чоудури, Мэддисон (Ихеаначо, 80), Варди.
Огоҳлантиришлар: Сильва (22), Магуайр (35), Компани (44), Габриэл Жезус (89), Ихеаначо (90).