Европа чемпионлар лигаси ва Европа лигасининг ушбу мавсумида финалга чиққан жамоалар номи аниқ бўлди. ЕЧЛнинг ҳал қилувчи баҳси «Ливерпуль» ва «Тоттенхэм» ўртасида кечади. Европа лигаси финалидан ўрин олган «Арсенал» – «Челси» учрашув 29 май куни Бокуда ўтказилади.

Англиянинг «Вулверхэмптон» клуби мавсум давомида ушбу 4та жамоани бир мартадан мағлуб этишга муваффақ бўлди.

АПЛ, 15-тур. Вулверхэмптон – Челси – 2:1 (0:1)
АПЛ, 20-тур. Тоттенхэм – Вулверхэмптон – 1:3 (1:0)
Англия кубоги, 1/32 финал. Вулверхэмптон – Ливерпуль – 2:1 (1:0)
АПЛ, 31-тур. Вулверхэмптон – Арсенал – 3:1 (3:0)

АПЛнинг сўнгги турида «бўрилар» «Ливерпуль» билан тўқнаш келишади. Юрген Клопп жамоаси пешқадам «Манчестер Сити»дан 1 очко ортда қолган ҳолда, жадвалда 2-ўринда бормоқда. «Вулверхэмптон» эса ушбу мавсумда 7-поғонани эгаллади. Клуб бош мураббийи Нуну Эшпириту Санту мавсумнинг энг яхши мураббийи унвони учун 4 нафар даъвогар сафига киритилди.