Yevropa chempionlar ligasi va Yevropa ligasining ushbu mavsumida finalga chiqqan jamoalar nomi aniq bo‘ldi. YECHLning hal qiluvchi bahsi «Liverpul» va «Tottenxem» o‘rtasida kechadi. Yevropa ligasi finalidan o‘rin olgan «Arsenal» – «Chelsi» uchrashuv 29 may kuni Bokuda o‘tkaziladi.

Angliyaning «Vulverxempton» klubi mavsum davomida ushbu 4ta jamoani bir martadan mag‘lub etishga muvaffaq bo‘ldi.

APL, 15-tur. Vulverxempton – Chelsi – 2:1 (0:1)
APL, 20-tur. Tottenxem – Vulverxempton – 1:3 (1:0)
Angliya kubogi, 1/32 final. Vulverxempton – Liverpul – 2:1 (1:0)
APL, 31-tur. Vulverxempton – Arsenal – 3:1 (3:0)

APLning so‘nggi turida «bo‘rilar» «Liverpul» bilan to‘qnash kelishadi. Yurgen Klopp jamoasi peshqadam «Manchester Siti»dan 1 ochko ortda qolgan holda, jadvalda 2-o‘rinda bormoqda. «Vulverxempton» esa ushbu mavsumda 7-pog‘onani egalladi. Klub bosh murabbiyi Nunu Eshpiritu Santu mavsumning eng yaxshi murabbiyi unvoni uchun 4 nafar da’vogar safiga kiritildi.