Профессионал бокснинг супер енгил (-63,5 кг) вазн тоифасида рингга чиқаётган ўзбекистонлик Фазлиддин Ғоибназаров (7-1, 4 КО) ўзининг саккизинчи жангини ўтказди.
АҚШнинг Аризона штати Тюксон шаҳрида бўлиб ўтган жангда унга америкалик Майкал Фокс (20-1, 5 КО) рақиблик қилди. 10 раундга мўлжалланган жанг тўлиқ давом этди ва унда бир овоздан очколар бўйича Фокс ғалаба қозонди. Ҳакамлар 96-92, 96-92, 95-93 ҳисобларида Фокс ғалабасини эътироф этди.
Жангдан сўнг боксчимиз ижтимоий тармоқларда уни қўллаб-қувватлаб турган ватандошларимизга ва мухлисларига миннатдорчилик билдирди.
