Professional boksning super yengil (-63,5 kg) vazn toifasida ringga chiqayotgan o‘zbekistonlik Fazliddin G‘oibnazarov (7-1, 4 KO) o‘zining sakkizinchi jangini o‘tkazdi.
AQSHning Arizona shtati Tyukson shahrida bo‘lib o‘tgan jangda unga amerikalik Maykal Foks (20-1, 5 KO) raqiblik qildi. 10 raundga mo‘ljallangan jang to‘liq davom etdi va unda bir ovozdan ochkolar bo‘yicha Foks g‘alaba qozondi. Hakamlar 96-92, 96-92, 95-93 hisoblarida Foks g‘alabasini e’tirof etdi.
Jangdan so‘ng bokschimiz ijtimoiy tarmoqlarda uni qo‘llab-quvvatlab turgan vatandoshlarimizga va muxlislariga minnatdorchilik bildirdi.