«Барселона» Чемпионлар лигасини тарк этганидан кейинги илк очиқ машғулотини ўтказди.

Кўк-анорранглилар жамоаси етакчиси Лионель Месси журналистлар қаршисида янги кўринишда – соқолсиз ва ғамгин қиёфада пайдо бўлди. Каталониялик футболчиларнинг ҳам аксар қисми жиддий қиёфада шуғулланишган ва бир-бирлари билан ҳазиллашишмаган.

«Барселона» ЕЧЛни ярим финалда «Ливерпуль»га қарши ўйинлар натижасига кўра тарк этди. Биринчи учрашувда каталонияликлар ўз уйида мерсисайдликларни 3:0 ҳисобида мағлуб этишганди, аммо жавоб учрашувида қизиллар камбэк амалга оширишди ва 4:0 ҳисобида ғалаба қозонишди.

«Барселона» жорий мавсумда Испания чемпиони бўлиб улгурган. Жамоа шунингдек, Испания Кубоги финалига чиққан, каталонлар кубок ғолиблиги учун 25 май куни Севильядаги «Бенито Вильямарин» стадионида «Валенсия»га қарши майдонга чиқишади.