Ҳозирда трендга айланган Мессининг клубдан кетиши тўғрисидаги мавзу юзасидан «Реал Мадрид» клуби футболчилари қандай фикр билдиршгани билан қизиқдик.

Карим Бензема

Месси нафақат, «Барселона» балки Испания футболининг юраги ҳисобланади. У Аргентина ва Испания футболининг афсонаси ва чинакам юлдуз! Агар у «Ла Лига»дан кетса, бу чемпионатга бўлган қизиқишни камайтириб юборади.  Унинг кетиши биринчи навбатда «Эл Классико»нинг обрўсини тушуриб юборади. Бу эса, ўз навбатида Испания чемпионатининг савиясига таъсир кўрсатмай қолмайди. Роналдунинг кетиши Испания чемпионатини зерикарли кўринишга олиб келган бўлса, Мессининг «Барса»дан кетиши «Ла Лига»нинг даражасини Португалия чемпионати билан бир хил кўринишга олиб келиб қўяди!

Кейлор Навас

Мен бунга ишонмайман, унинг «Барса»дан кетишини тасаввур қилиб бўлмайди. Агарда, бу иш амалга ошадиган бўлса,бу бутун Испания учун ёқимсиз ҳолатларга олиб келиши турган гап! У каби футболчилар футбол учун жуда керак ва улар кучли чемпионатларда тўп суришлари шарт!

Зидан

Мен рақиб жамоанинг ўйинчисини муҳокама қилмоқчи эмасман, аммо шуни тан олиб айтиш керак-ки, унинг борлиги бизни ўз устимизда кўпроқ ишлашга мажбур қилади!

Серҳио Рамос

У қаерга кетади? (кулади) Унинг терма жамоасидаги натижаларига эътибор беринг! У «Барселона» учун яратилган ва айнан шу клуб унинг тўлиқ имкониятларини очиб бера олади деб ҳисоблайман. Тўғри, у кучли футболчи мен буни бир неча бор тан олганман. Шундай бўлсада, унинг бошқа чемпионатда қандай тўп суриши кишини қизиқтириб қўяди! Агар у кетадиган бўлса, «Барселона» қандай турнир бўлишидан қатъий назар фоворит номи билан майдонга туша олмайди. У шунчаки, ўртамиёна клуб бўлиб қолади, холос! «Барса» ва Месси бир-бирига жуда муҳтож ва узлуксиз боғлиқ! Агарда, Месси бошқа клубга ўтиб кетса, бу унинг улкан хатоси сифатида тарихга киради!