Ўзбекистон Супперлигаси 8-тур ўйинлари якунига етди. Ҳар доимгидек тур лауретларини эълон қилишда давом этамиз.

Stadion.uz талқинига кўра, Суперлига 8-турининг энг яхши мураббийи деб “Динамо” бош мураббийи Даврон Файзиев топилди.

Даврон Файзиев жамоаси Самарқандда Миржалол Қосимов бошчилигидаги АГМКни мағлуб этди. Про лигадан кутилмаганда Суперлигага чиқиб қолган самарқандликлар жорий мавсум бир нечта жамоаларга бош оғриқ бўлмоқда.

Қолаверса, жамоа бош мураббийи  Даврон Файзиев “пиёз”дан ҳам “компот” тайёрлаш мумкинлигини айрим мураббийларга кўрсатиб қўйяпти.  “Динамо” мазкур ғалабадан сўнг 12 очко билан 5-ўринда кетмоқда. Менимча, мавсум бошида ҳеч ким “Динамо” мусобақанинг юқори ўринларида юради деб ўйламаганди.