O‘zbekiston Supperligasi 8-tur o‘yinlari yakuniga yetdi. Har doimgidek tur lauretlarini e’lon qilishda davom etamiz.
Stadion.uz talqiniga ko‘ra, Superliga 8-turining eng yaxshi murabbiyi deb “Dinamo” bosh murabbiyi Davron Fayziyev topildi.
Davron Fayziyev jamoasi Samarqandda Mirjalol Qosimov boshchiligidagi AGMKni mag‘lub etdi. Pro ligadan kutilmaganda Superligaga chiqib qolgan samarqandliklar joriy mavsum bir nechta jamoalarga bosh og‘riq bo‘lmoqda.
Qolaversa, jamoa bosh murabbiyi Davron Fayziyev “piyoz”dan ham “kompot” tayyorlash mumkinligini ayrim murabbiylarga ko‘rsatib qo‘yyapti. “Dinamo” mazkur g‘alabadan so‘ng 12 ochko bilan 5-o‘rinda ketmoqda. Menimcha, mavsum boshida hech kim “Dinamo” musobaqaning yuqori o‘rinlarida yuradi deb o‘ylamagandi.
